Yamando tur trahadó di sine residensiá na Aruba, Bonaire, Kòrsou, Sint Maarten, Sint Eustatius, Saba, Suriname òf esnan ku ta biba òf traha den diaspora.
Willemstad – E di 12 Festival Internashonal di Pelíkula di Kòrsou (CIFF) awor ta aseptá suskripshon pa e sekshon di Caribbean Focus pa pelíkulanan kòrtiku i largu pa nos edishon di 2026, ku ta tuma lugá 14-19 di aprel 2026.
Ku bo entrega di pelíkula kòrtiku bo ta drenta outomátikamente pa wòrdu nominá pa e Kompetensia di Premio Watapana. Despues di e éksito di e sekshon di Caribbean Focus durante CIFF 2025, organisadónan a disidí di krea un kompetensia nobo: E Kompetensia di Premio Watapana ta limitá na 5 partisipante selektá i aksesibel solamente pa sineastanan manera definí ariba.
E ganadó di e Kompetensia di Premio Watapana lo wòrdu rekompensá ku:
- Un proyekshon na e Festival di Cine di Morelia na Mèksiko.
- Un proyekshon na Film by the Sea Festival na Hulanda.
- Xcg 5.000 (Promé premio).
- Xcg 1.500 (si dos premio).
Entregá bo pelíkula GRATIS. Fecha di entrega: 15 di desèmber 2025, 6 or di atardi ora di Kòrsou!
Eligibilidat:
- Pelíkulanan kòrtiku: Te ku 45 minüt.
- Pelíkulanan largu: Tur entrada mas largu ku 45 minüt.
- Fecha di Produkshon: Entre yanüari 2024 i desèmber 2025
- Subtítulo: Ingles i/òf Hulandes ta nesesario.
- Géneronan: Tantu fikshon komo no-fikshon ta wòrdu aseptá.
Kon pa Entregá:
Simplemente manda nos un email na CIFF2026.submissions@gmail.com ku:
- Un link di bista online pa bo pelíkula.
- Un sinopsis kòrtiku di e pelíkula.
- Un biografia di e sineasta ku ta indiká residensia i/òf lasonan familiar ku e islanan/paisnan indiká ariba.
- No mester di formulario di entrada òf entrega!
Nos komishon di selekshon lo revisá tur entrega, i bo lo wòrdu notifiká tokante e resultado pa 1 di febrüari 2026.
Lo no tin korespondensia riba e desishonnan di e komishon di selekshon. Preferensia ta wòrdu duná na pelíkulanan ku ta estrená na CIFF 2026.
Tin pregunta?
Sinti bo liber pa manda nos un email na CIFF2026.submissions@gmail.com.
